This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.210   திருமூலர்   திருமந்திரம் -

புகுந்துநின் றான்வெளி யாய்இரு ளாகிப் புகுந்துநின் றான்புகழ் வாய்இகழ் வாகிப் புகுந்துநின் றான்உட லாய்உயி ராகிப் புகுந்துநின் றான்புந்தி மன்னிநின் றானே.	[ 1]
தானே திசையொடு தேவரு மாய்நிற்கும் தானே உடலுயிர் தத்துவ மாய்நிற்கும் தானே கடல்மலை யாதியு மாய்நிற்கும் தானே உலகில் தலைவனு மாமே.	[ 2]
உடலாய் உயிராய் உலகம தாகிக் கடலாய்க் கார்முகில் நீர்பொழி வானாய் இடையாய் உலப்பிலி எங்குந்தா னாகி அடையாப் பெருவெளி அண்ணல்நின் றானே.	[ 3]
தானொரு காலந் தனிச்சுட ராய்நிற்கும் தானொரு கால்சண்ட மாருத மாய்நிற்கும் தானொரு காலந் தளிமழை யாய்நிற்கும் தானொரு காலந்தண் மாயனு மாமே.	[ 4]
அன்பும் அறிவும் அடக்கமு மாய்நிற்கும் இன்பமும் இன்பக் கலவியு மாய்நிற்கும் முன்புறு காலமும் ஊழியு மாய்நிற்கும் அன்புற ஐந்தில் அமர்ந்துநின் றானே.	[ 5]
Go to top
உற்று வனைவான் அவனே உலகினைப் பெற்று வனைவான் அவனே பிறவியைச் சுற்றிய சாலும் குடமுஞ் சிறுதூதை மற்றும் அவனே வனையவல் லானே.	[ 6]
உள்ளுயிர்ப் பாயுட லாகிநின் றான்நந்தி வெள்ளுயி ராகும் வெளியாய் விளங்கொளி உள்ளுயிர்க் கும்உணர் வேயுட லுட்பரம் தள்ளுயி ராம்வண்ணந் தாங்கிநின் றானே.	[ 7]
தாங்கருந் தன்மையும் தானவை பல்லுயிர் வாங்கிய காலத்தும் மாற்றோர் பிறிதில்லை ஓங்கி எழுமைக்கும் யோகாந்தம் அவ்வழி தாங்கிநின் றானும்அத் தாரணி தானே.	[ 8]
அணுகினுஞ் சேயவன் அங்கியிற் கூடி நணுகினும் ஞானக் கொழுந்தொன்றும் நல்கும் பணிகினும் பார்மிசைப் பல்லுயி ராகித் தணிகினும் மன்னுடல் அண்ணல்செய் வானே. 11,	[ 9]

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song